برنامج كاشير ومخزون لمحل البن والكافيه، في نظام واحد وبالعربي.
مش موديولات متفرقة بتشتريها ورا بعض. البيعة والمنتج والمخزن والتكلفة والتقرير حاجة واحدة، فأي رقم تشوفه في التقارير ليه أصل في حركة حقيقية.
النسخة المحلية: البرنامج وبياناتك على جهاز المحل
بتدفعها مرة واحدة، والترخيص مالوش ميعاد. البيع والطباعة والمخزون والتقارير كلهم على جهاز الكاشير، فلو النت قطع أو مش موجود أصلًا، المحل بيبيع عادي. النت بيلزم مرة واحدة بس للتفعيل، ولو المحل مفيهوش نت خالص بنفعّلها بملف.
- نسخة احتياطية بتتاخد لوحدها بعد كل قفلة شيفت، وزرار ينسخها على فلاشة
- لو الجهاز باظ، بترجّع محلك من آخر نسخة على أي جهاز جديد
- تقرير اليوم بيوصل إيميلك مع قفلة آخر شيفت: المبيعات وطرق الدفع وأكتر 5 أصناف اتباعت
- جهاز واحد وفرع واحد، والمخزن والمحمصة معاهم من غير اشتراك
- عايز تكبر بعدين؟ بننقلك للأونلاين ونرتّبها معاك
بون التحضير: كل مكان بياخد ورقته
الكاشير بياخد الطلب، والبون بيطلع لوحده للبار أو المطبخ أو الحلويات، كل مكان بأصنافه وملاحظاتها. وكل طلب ليه رقم بيبدأ من 1 كل يوم، فتنادي على الزبون بيه.
- تيك أواي وصالة وتوصيل، ورسوم الخدمة على الصالة بس لو شغّلتها
- ترابيزات وطلبات مفتوحة: تزوّد على الترابيزة وتدفع في الآخر
- مقاسات وإضافات، وملاحظة على الصنف زي «من غير سكر»
- ابعت للبار قبل ما الزبون يدفع
- كل ده مقفول لحد ما تفتح اللي محتاجه بس
الرقابة: كل خصم وكل جنيه في الدرج باسم صاحبه
الخصم فوق الحد اللي تحدده، والمرتجع، وإلغاء حاجة اتبعتت للبار، محتاجين موافقة مدير برقمه السري، والكاشير مايقدرش يوافق لنفسه. وكل شيفت بيتقفل بعدّ الدرج: المتوقع والمعدود والفرق، باسم اللي قفل.
- صلاحيات لكل دور: مين يبيع، ومين يخصم، ومين يشوف التقارير
- مصروفات الدرج متسجّلة بسببها واللي صرفها
- سجل أنشطة: مين عمل إيه، وإمتى، ومين وافق
- اللي محتاج مراجعة بيبان بعلامة لوحده
للمحمصة ومحل البن: من البن الأخضر لحد الكيس والكوباية
سيستم كاشير لمحلات البن والمحمصات: فرع ومخزن ومحمصة، كل مكان برصيده، والتحويل بينهم بيتسجّل بمين سلّم ومين استلم. والتحميص إدخال واحد بعد ما تخلص: دخل كام كيلو أخضر وطلع كام محمّص، والفرق بيبان، والناتج بيدخل المخزن بتكلفته.
- بيع بالوزن من الميزان، بالكيلو أو بالجرام
- كل دفعة بتكلفتها، والتكلفة بتمشي مع البن لحد ما يتباع
- تحويلات وتوزيع بين المحمصة والفروع
- جرد وتالف وتنبيه قبل ما الصنف يخلص
شاشة بيع الكاشير بيمشي فيها بإيده
أصناف مجمّعة بتاباتها، والطلب دايمًا على الجنب، وكيباد دفع كبير. المبالغ السريعة والباقي بيظهروا قبل التأكيد، والإيصال بيطلع مع إتمام الفاتورة.
- تعليق الطلب واستكماله من نفس الشاشة
- خصم وملاحظة على الصنف نفسه، والضريبة والخدمة على الفاتورة
- نقدي أو كارت أو إنستاباي أو فودافون كاش، ودرج الفلوس بيفتح لوحده
مخزون بيتحرك مع كل كوب
البن بالجرام واللبن بالملي والأكواب بالعدد. الرصيد بينزل لحظة البيع، والتنبيه بيوصلك قبل ما الصنف يخلص مش بعده.
- شاشة واحدة بتسأل: إيه؟ · بتشتريه إزاي؟ · بتبيعه إزاي؟
- وحدات مختلفة للصنف: كيلو للشراء وجرام للصرف
- جرد فعلي مقابل رصيد النظام، والفرق بقيمته
- تحويل بين الفروع والمخازن بسجل مين استلم
عملاء دايمين ونقاط ولاء
كل عميل برقم موبايله: زياراته ومشترياته ونقاط ولائه. الكاشير بيربط الفاتورة بالعميل من غير ما يسيب شاشة البيع.
- نقاط ولاء بتتحسب مع كل فاتورة، وتتصرف بالشروط اللي تحددها
- العميل بيتلاقي برقم موبايله في ثانية
وكمان جوه النظام
المنيو
كل منتج بيقول بياخد إيه من المخزون وكام — أو مابياخدش حاجة ويتباع وخلاص.
شاشة العميل
الزبون بيشوف طلبه والمطلوب منه على شاشة تانية قدامه.
الموردين والمشتريات
دفعات شراء بتكلفتها وتاريخها، واستلام في نفس الشاشة.
المرتجعات
تلات خطوات وموافقة مدير، وبتشتغل من غير نت بردو.
المصروفات
إيجار ورواتب وفواتير، بتدخل في صافي اليوم.
الورديات
فتح وتقفيل بعهدة، والفرق بيظهر وقت التقفيل.
استيراد وتصدير
الموردين والأصناف والمنتجات من ملف Excel مرة واحدة، وأي تقرير بيطلع Excel.
بداية اليوم
محلك بيقفل بعد 12 بالليل؟ اختار الساعة اللي يومك بيبدأ فيها، والتقارير بتمشي عليها.